Hey, schön bisch bi eus

HEB DI GUET...

da gads zu eusne Gsichter

HALDENGUT

Boris

Dä Boris isch de Dekomeister vu Züri. Egal ob im Hive, Kaufleuten oder ide Friedas Büx - de Boris macht mit sine Dekoratione jedi Party zumene einzigartige Erlebnis! Am Boris sini Dekoratione mönd guet hebe. Und zwar immer. Drum liebt er au Haldengut.

Erfahr meh über de Boris

Moira

D’Moira isch de neui Stern am Zürcher Kunsthimmel. Scho vo chli uf isch Disney en wichtige Bestandteil gsi vo ihrem Lebe, was au i ihrere Kunst zum Usdruck chund. Näb Disney und Kunst liebt d’Moira au Bier. Und was seid sie echt zu Haldengut?: «Ja, isch geil!»

Erfahr meh über d'Moira

Eric

Dä Eric aka «Lou Combo» isch bekannt für sini gueti Lune. Die repräsentiert er au ide Nacht i sine Sets und sorgt damit für es Lächle im Gsicht vo villne tanzfreudige Clubgänger. Stimmig isch für ihn s'A und O. Und Haldengut leistet debi en wichtige Biitrag.

Erfahr meh über de Eric

Eusi Produkt

S’Haldengut Lagerbier wird mit edle Zuetate (Quellwasser, Malz und Hopfä) nach dä glichä Rezeptur wie scho 1843 braut – es einzigartig usgwonigs und süffigs Bier wo jede Durscht löscht!

Erhältlich ide Fläsche (50cl, 58cl) und im Offeusschank (20 Liter)

Alkoholghalt: 4.8% Vol.
Stammwürze: 11.4
Ideali Trinktemparatur: 6-8°C
S’Haldengut Lagerbier wird mit edle Zuetate (Quellwasser, Malz und Hopfä) nach dä glichä Rezeptur wie scho 1843 braut – es einzigartig usgwonigs und süffigs Bier wo jede Durscht löscht!

Erhältlich ide Fläsche (50cl, 58cl) und im Offeusschank (20 Liter)

Alkoholghalt: 4.8% Vol.
Stammwürze: 11.4
Ideali Trinktemparatur: 6-8°C
S’Haldenkrone isch es Spezbier und wird nur mit de beschtä vude beschtä Zuetate braut. Eusi erfahrene Braumeister möched das Bier zumene wahre Gnuss – Überzüg dich selber.

Erhältlich ide Fläsche (33cl) oder im Offeusschank (20L)

Alkoholghalt: 5.2%
Stammwürze: 11.9
Ideali Trinktemperatur: 6-8°C
S’Haldenkrone isch es Spezbier und wird nur mit de beschtä vude beschtä Zuetate braut. Eusi erfahrene Braumeister möched das Bier zumene wahre Gnuss – Überzüg dich selber.

Erhältlich ide Fläsche (33cl) oder im Offeusschank (20L)

Alkoholghalt: 5.2%
Stammwürze: 11.9
Ideali Trinktemperatur: 6-8°C

Än Innovativi Schwiizer Brauerei mit 180 Jahr Gschicht

1843

braut de Landwirt Ferdinand Ernst s’erste «Haldengut» Bier in Winterthur. Das dä edli Gerstesaft guät isch, spricht sich schnell umä idä Gägend. Sogar in Züri Downtown fraged immer meh Lüüt nachäme «Haldengut» oder «Ernst» Bier.

1885

sind wagemuetigi Haldegüetler mit Pferd und Wage ufbrochä zum Klöntalersee (80km vu Winti entfernt!), wos Naturiis gfundä händ. Die Chüälendi Wirkig vum Naturiis isch notwändig gsi zum äs richtigs Qualitätsbier brauä. Spöter hed denn d Iiismaschinä die ständig Suechi nach Naturiis abglöst.

1894

hed na jede Haldegüetler pro Tag 6 (!) Liter Freibier übercho. Das isch damals na üblich gsi bidä Brauereie und nid sälte sind d Männer betrunkä vum Schaffe heicho, was d Ehefrauä gar nid gern gseh hend. Us dem Grund hed d Brauerei Haldegut – als erschti Brauerei überhaupt – s’Freibier abgschafft und defür de Mitarbeiter en höchere Lohn uszahlt.

1902

hend d Mitarbeiter vu Haldengut chöne im eignä Personalschwimmbad badä. Denn es isch scho damals bekannt gsi: Glücklichi Mitarbeiter sind produktiver bim Schaffe. Scho voräm 1. Weltkrieg braut d Brauerei Haldgenut über Hundertuusig Hektoliter pro Jahr und isch zude viertgröschte Brauerei im Land wordä.

1927

äbnet de damaligi Direktor vudä Brauerei Haldengut – de Fritz Schöllhorn - de Wäg zude Gründig vum Schwiizer Bierkartell, wo vu 1935 – 1991 de Bierabsatz ide Schwiiz bestimmt hed. Kartell kennt mer ja hüt nur na vu Netflix, wo de Fritz ganz bestimmt en Bad Boy gspilt hätti.

1951

wird s’ikonische Rössli zum Markezeichä vu Haldengut. Das neue Logo isch än Hommage a diä starkä Brauereipferd wo mit dä Kutschä s’Bier Woche für Woche zudä Gastwirte gfahre händ, bevors spöter denn vo motorisierte Gfährt abglöst wordä sind.

1968

Haldengut fallt uf mit erä hippä Werbekampagne* und emä neue Slogan «Ende gut – Haldengut»

*Plakat kreiert vude Adolf Wirz Werbeagentur.

1989

wird de Konkurrenzkampf zwüsched dä Brauerei immer grösser und äs chund zum Schulterschluss zwüschä de Brauerei Calanda und Haldengut. Füüf Jahr spöter beteiligt sich HEINEKEN a dere Brauereigruppä.

2023

….heb di fescht….fiiräd d’Marke Haldengut bereits s’180 jährige Bestehe und isch somit eini vudä älteste, tradionsrichschte Biermarkene vude Schwiiz. Da druf sind miär Haldegüetler Stolz und fiiräd das miteme neue Motto: HEB DIE GUET – HALDENGUT.

Da gits guäts Bier!

Red mit eus

Häsch e Frag zu eusne Produkt oder wotsch suscht was wüsse? Denn kontaktier eus jetzt via Kontakformular oder Instagram.

  • This field is for validation purposes and should be left unchanged.

@haldengut1843